Rexeitamento veciñal unánime ao proxecto de Gas Natural a carón do Colexio de Carnota

Aspecto do Salón de Actos

O Salón de Actos do Concello de Carnota acolleu onte unha Asemblea Veciñal para explicar o alcance da infraestructura proxectada pola empresa Gas Natural con apoio da Xunta a escasos 60 metros do Colexio Público de Carnota, unha obra que parece feita, como temos denunciado, desde os despachos e sen poñer un só pe na zona.

Non fixo falta que transcurrira moito tempo de reunión para certificar o rexeitamento unánime da veciñanza presente no acto, que xa se adheriu decididamente ás alegacións que ten redactado o Concello para deter o proxecto, e que xa supera o medio centenar aínda que prevese que esta cifra sexa moi superior moito pois a veciñanza vai a distribuír copias das alegacións entre a xente que non puido asistir á reunión.

Quen o desexe pode descargar aquí as alegacións (PDF) que deberán asinarse con nome, apelidos e DI para parar este proxecto temerario e perxudicial para o futuro do noso concello, que son as nenas e os nenos. O escrito de alegacións deberase entregar ou ben nas dependencias municipais ou ben directamente na Dirección Xeral de Enerxía e Minas, no enderezo que se sinala no escrito.

Novas relacionadas

• O BNG oponse ao tanque que Gas Natural pretende levantar xunto o Colexio de Carnota e chama á veciñanza a unirse ás alegacións