O BNG de Carnota desenvolve 17 actos para rendir contas e recoller as propostas da veciñanza

O compromiso de transparencia e participación asumido polo BNG de Carnota leva a que prácticamente cada núcleo medio do noso municipio teña por celebrada cando menos unha Asemblea Veciñal para rendirlle contas ao pobo da acción de goberno e recoller as demandas concretas de cada entidade poboacional e incorporalas ao programa de goberno 2015-2019 que estamos construíndo coa xente.

Neste senso, despois das respectivas Asembleas Veciñais sobre o proxecto de Gas Natural, Lariño, Adraño, San Mamede, Carnota, Mallou, Caldebarcos, Lira, O Pindo e Quilmas, tocaralle o turno na semana próxima a Cornido, Panchés, Canedo, Pedrafigueira e Louredo. Pecharemos a rolda de actos innovadora Asemblea Veciñal da Carnota emigrada vía Youtube. Ademais, este venres terá lugar a Cea-Presentación da candidatura que desenvolveremos en Mallou.

Detallamos individualmente cada un deses actos nos que o BNG dará contas ao pobo da xestión do goberno de Carnota nestes 4 anos, e recollerá propostas para o novo programa que desenvolveremos entre o 2015 e o 2019.

Calendario de actos

Asemblea veciñal — Cornido

Luns 27 de abril ás 20h, Asemblea Veciñal en Cornido, diante do taller de Nacho Porto.

Asemblea veciñal — Panchés

Xoves 30 de abril ás 20h, Asemblea Veciñal en Panchés, no medio do lugar.

Cea-Presentación da candidatura do BNG de Carnota

— Venres 1 de maio ás 22h, Cea-Presentación da candidatura, no Restaurante A Morosa de Mallou. Ata compleción de aforo, caso no que se priorizará a asistencia de veciñanza. Anótate no 625 382 644.

Asemblea veciñal — Canedo

— Sábado 2 de maio ás 17h, Asemblea Veciñal en Canedo, no Parque Infantil.

Asemblea veciñal — Pedrafigueira

— Sábado 2 de maio ás 19h, Asemblea Veciñal en Pedrafigueira, na praza do pobo.

Asemblea veciñal — A Carnota emigrada

— Domingo 3 de maio ás 18h, Asemblea Veciñal da Carnota emigrada, na páxina http://youtu.be/7KODecPjd7Y.

Agardamos seguir contando coa vosa participación, pois este proxecto é de toda a veciñanza.