Xa son 5 os alcaldes do PP que se desmarcan do boicot popular ás Galescolas

Recentemente 8 alcaldes do PP (Antas do Ulla, Lousame, Vilamartín de Valdeorras, As Neves, Muíños, O Pino, O Rosal e Riós) participaran nunha rolda de prensa en que a cúpula do seu partido acusaba ao Consorcio de Servizos de Igualdade e Benestar de "chantaxe" e á Vicepresidencia, con Anxo Quintana á fronte, de "mafia siciliana". Poucos días despois, o propio Quintana remitiulles cadansúa misiva lamentando que se sentiran coaccionados á hora de asinar o convenio co Consorcio, dando por cancelado dito acordo e garantíndolles que os seus concellos voltarían de inmediato aos niveis actualizados de investimento en servizos sociais e educación infantil que os seus concellos percibían no ano 2005, co último goberno do Partido Popular.

Pois ben, ao longo das semanas seguintes o vicepresidente foi recibindo sucesivas cartas de ata 5 deses alcaldes, que no desexo de continuar co convenio se foron desmarcando das graves acusacións formuladas polo seu propio partido, chegando algúns deles a louvar a xenerosidade de Vicepresidencia á hora de investir nos seus municipios e mesmo a recoñecer que recibiron fortes presións internas do seu partido para criticar o modelo de servizos sociais desenvolvido por Vicepresidencia.

Na seguinte entrevista co diario La Región, o rexedor popular de Vilamartín de Valdeorras trata o asunto:



Só tres de estes alcaldes, entre eles o de Lousame, parecen xa seguir coa actitude de negarse a colaborar cos proxectos de Vicepresidencia.

Desde o BNG de Carnota preguntámonos se esta clara estratexia de boicot ás Galescolas que os propios alcaldes do PP recoñecen terá algo que ver co que acaba de pasar no noso muicipio.